សេចក្តីពិតដ៏សំខាន់មួយ :   អ្នកដើរតាមព្រះយេស៊ូ បម្រើព្រះ (មិនមែនលុយកាក់ទេ) តែមានទ្រព្យសម្បត្តិ នៅ​ឯ​ស្ថាន‌សួគ៌ (មិនមែននៅផែនដីទេ)

​

សកម្មភាព : ចៅហ្វាយ ២

​

សម្ភារ៖ កម្រាលជើង និងរបាំងភ្នែក

​

របៀបលេង :

១) បែងចែកយុវជនជាក្រុម គ្នា ៦ ទៅ ៧ នាក់។ និយាយ៖ "មនុស្ស ២ នាក់នៅក្នុងក្រុមត្រូវលើកដៃ"។ ពេលពួកគេលើកដៃ និយាយថា៖ "ប្អូនជាចៅហ្វាយ។ អ្នកផ្សេងទៀត នៅក្នុងក្រុមជាអ្នកបម្រើរបស់ប្អូន។ ប្អូននឹងបញ្ជាពួកគេ"។

​

២) រើសក្រុម ១ ឱ្យចាប់ផ្ដើមលេងមុន។ ប្រាប់ឱ្យចៅហ្វាយទាំង ២ ឈរនៅម្ខាង ហើយអ្នកបម្រើឈរនៅ ម្ខាងនៃកន្លែងលេង។ អ្នកបម្រើត្រូវពាក់របាំងភ្នែក (ឬបិទភ្នែក)។

​

៣) និយាយ៖ "គ្រូនឹងដាក់កម្រាលជើងខ្លះ នៅក្នុងកន្លែងលេង ហើយកម្រាលទាំងនេះ គឺជាភក់។ បើអ្នក បម្រើដើរជាន់ភក់ គ្រប់គ្នាត្រូវស្រែកឈ្មោះគាត់ ហើយគាត់នឹងស្អុយ ហើយអង្គុយ​ចុះ"។

​

៤) "ចៅហ្វាយម្នាក់ គឺជាចៅហ្វាយល្អ។ គាត់នឹងព្យាយាមនាំអ្នកបម្រើទៅផ្នែកម្ខាងទៀតនៃកន្លែង ហើយ គេចពីកម្រាលជើង។ ចៅហ្វាយម្នាក់ទៀត គឺជាចៅហ្វាយអាក្រក់។ គាត់នឹងព្យាយាមធ្វើឱ្យ អ្នកបម្រើដើរ ជាន់កម្រាលជើង។

​

៥) ឱ្អ្នកបម្រើ ប្អូនៗត្រូវសម្រេចចិត្តថា ចៅហ្វាយណាដែលប្អូននឹងស្ដាប់តាម។ ប្អូនអាចប្ដូរចៅហ្វាយ ក្នុង ពេលលេងហ្គេម។ ប៉ុន្តែប្អូនត្រូវតែមានចៅហ្វាយប្អូនមិនអាចបដិសេធចៅហ្វាយទាំង ២ បានទេ។ ដូច្នេះ ប្អូនត្រូវរើសចៅហ្វាយម្នាក់ និងស្ដាប់តាមបញ្ជារបស់គាត់ ហើយបដិសេធចៅហ្វាយម្នាក់ទៀត។"

​

៦) (គ្រូ ត្រូវប្រាប់ចៅហ្វាយថា ម្នាក់ណាត្រូវធ្វើជាចៅហ្វាយល្អ ហើយម្នាក់ណាត្រូវធ្វើជាចៅហ្វាយអាក្រក់ ដោយសម្ងាត់)។ បន្ទាប់មក ចៅហ្វាយទាំង ២ នឹងចាប់ផ្ដើមហៅ "អ្នកបម្រើអើយ! មកនេះ"។ អ្នកបម្រើទាំងអស់ត្រូវ ដើរមករកគាត់យឺតៗ។ ពេលពួកគេកំពុងដើរទៅ ចៅហ្វាយត្រូវបង្គាប់ដូចជា៖ "តារា ដើរ ២ ជំហ៊ានមកស្ដាំ" ឬ "សុភាព ដើរ ១ ជំហ៊ានទៅឆ្វេង" ជាដើម។

​

៧)  ក្រុមទី ១ នឹងបញ្ចប់វេនខ្លួន ពេលអ្នកបម្រើទាំងអស់ដើរធ្លាក់ភក់ ឬដើរទៅម្ខាងទៀតដោយ ជោគជ័យ ។ ទុកឱ្យក្រុមនីមួយៗ មានឱកាសលេង។

​

ក្រោយបញ្ចប់ហ្គេម

សួរ៖ "តើវាពិបាក ឬងាយស្រួល ក្នុងការសម្គាល់ថា ចៅហ្វាយណាល្អ ចៅហ្វាយណាអាក្រក់?"
តើវាធ្វើឱ្យមានការផ្លាស់ប្ដូរអ្វី?

ព្រះយេស៊ូវមានបន្ទូលអំពី លទ្ធផលនៃការដើរតាមចៅហ្វាយ ២ នៅក្នុងការបង្រៀននៅលើភ្នំ។ ចូរមើលអ្វិដែលព្រះអង្គ មានបន្ទូល។

​

ការរៀនព្រះគម្ពីរ

អាន [ម៉ថាយ 6:19-24]

​

សំនួរបង្កប់ន័យ

តើកន្លែងណាខ្លះ ដែលមនុស្សអាចទុកទ្រព្យសម្បត្តិបាន?
នៅផែនដី និងនៅស្ថានសួគ៌។

​

តាមព្រះយេស៊ូវ តើយើងគួរទុកទ្រព្យសម្បតិ្តយើង នៅឯណា?
នៅស្ថានសួគ៌។

​

តើព្រះយេស៊ូវមានបន្ទូលថា មានអ្វីកើតឡើងចំពោះទ្រព្យសម្បត្តិនៅផែនដី?
កន្លាត និងច្រែះស៊ីបំផ្លាញ ឬចោរលួច។ វាមិនគង់វង្សនោះទេ។

​

ចុះមានអ្វីកើតឡើង ចំពោះទ្រព្យសម្បត្តិនៅស្ថានសួគ៌វិញ?
គ្មានកន្លាត ឬច្រែះស៊ីបំផ្លាញទេ ហើយក៏គ្មានចោរលួចដែរ។ វានៅគង់វង្ស ជារៀងរហូត។

​

នៅក្នុង ខរ 24 ព្រះយេស៊ូវនិយាយអំពី ចៅហ្វាយ ២ នាក់។ តើពួកគេជានរណា?
ព្រះជាម្ចាស់ និងលុយ។

​

តើយើងអាចបម្រើទាំង ២ បានដែរទេ?
ទេ យើងមិនអាចទេ។

​

សំនួរមានន័យ
តើប្អូនគិតថា ព្រះយេស៊ូវមានន័យយ៉ាងម៉េច ពេលព្រះអង្គមានបន្ទូលថា យើងមិនអាចបម្រើចៅហ្វាយ២?
ទុកឱ្យពួកគេបញ្ចេញគំនិត។

 

នៅក្នុងហ្គេមយើង ប្អូនៗមានចៅហ្វាយ ២ ដែលចាំបង្គាប់បញ្ជាប្អូន។ ប្អូនមិនអាចគោរពម្ដងទាំង ២ បានទេ ព្រោះពួកគេបង្គាប់បញ្ជាអ្វីផ្សេងគ្នា។ ប្អូនត្រូវសម្រេចចិត្តថា នរណាដែលប្អូនស្ដាប់តាម។ ដូចគ្នានៅក្នុងជីវិតប្អូនដែរ។ យើងគ្រប់គ្នាត្រូវតែជ្រើសរើសថា ត្រូវស្ដាប់តាមនរណាគេ ព្រះ ឬ ចៅហ្វាយ ផ្សេងទៀត។

តើប្អូនគិតថា វាមានន័យដូចម្ដេច ដែល "បម្រើលុយ"?
វាមានន័យថា លុយគឺជាចៅហ្វាយរបស់ប្អូន។

​

បើលុយគឺជា ចៅហ្វាយរបស់ប្អូន នោះវានឹងគ្រប់គ្រងជីវិតរបស់ប្អូន។ ប្អូននឹងចំនាយពេលវេលា កម្លាំង និងសមត្ថភាពរបស់ប្អូនភាគច្រើន ដើម្បីបានលុយ ហើយលុយនឹងក្លាយជារបស់ដ៏សំខាន់ ជាងគេបំផុត ក្នុងជីវិតប្អូន។

​

តើប្អូនគិតថា វាមានន័យដូចម្ដេច ដែល "បម្រើព្រះ"?
យើងស្ដាប់បង្គាប់ព្រះអង្គ និងធ្វើតាមព្រះហឬទ័យព្រះអង្គសម្រាប់ជីវិតយើង។

​

មនុស្សគ្រប់គ្នា មានចៅហ្វាយ។ បើចៅហ្វាយរបស់យើងមិនមែនជាព្រះទេ នោះអ្វីទាបជាងព្រះ នឹង ក្លាយជាចៅហ្វាយរបស់យើង ព្រោះថា គ្មានអ្វីដែលអស្ចារ្យជាងព្រះនោះទេ។ ប្អូនៗនឹងប្រគល់ជីវិតរបស់ប្អូន នៅក្នុងការធ្វើអ្វី១។ ការប្រគល់ជីវិតរបស់ប្អូនដើម្បីបម្រើព្រះ គឺជាការប្រគល់យើងខ្លួនឯង សម្រាប់អ្នកដែលអស្ចារ្យ មានអំណាច មានភាពសុចរិត និងល្អឥតខ្ចោះ ជាងគេទាំងអស់នៅក្នុងសកល លោកនេះ។ 

​

តើមនុស្សអាចមានទ្រព្យសម្បតិ្តនៅផែនដីដោយរបៀបណា?
ដោយបម្រើលុយ។ ពួកគេចំនាយជីវិតរបស់ពួកគេ ដេញតាមលុយ ដើម្បីទៅទិញរបស់ផ្សេងៗ។

​

តើមនុស្សអាចមានទ្រព្យសម្បត្តិនៅស្ថានសួគ៌ដូចម្ដេច?
ដោយបម្រើព្រះ។ ព្រះអង្គបានសន្យាថា ទ្រង់នឹងប្រទានរង្វាន់ដល់អ្នកណា ដែលធ្វើដូចនេះ។

​

ដូច្នេះ យើងអាចបម្រើព្រះ ឬបម្រើលុយ។ បើយើងបម្រើលុយ យើងនឹងមានទ្រព្យសម្បត្តិនៅផែនដី។ បើយើងបម្រើព្រះ យើងនឹងមានទ្រព្យសម្បត្តិនៅស្ថានសួគ៌។

​

ចូរប្រាប់ខ្ញុំអំពី ទ្រព្យសម្បត្តិនៅផែនដីខ្លះ ដែលមនុស្សមាន។
ទុកឱ្យពួកគេឱ្យឧទាហរណ៍។

​

តើនឹងមានអ្វីកើតឡើង ចំពោះទ្រព្យសម្បត្តិទាំងនោះ ពេលពេលវេលាកន្លងផុតទៅ?
ទ្រព្យសម្បត្តិនៅផែនដីនឹងបាក់បែង លែងដំណើរការ ឬត្រូវគេលួច ឬបាត់បង់ ជាដើម។

​

តើប្អូនគិតថា ទ្រព្យសម្បត្តិបែបណា ដែលមនុស្សនឹងមាននៅនគរស្ថានសួគ៌?
ទុកឱ្យពួកគេបញ្ចេញយោបល់។

​

ក្នុងព្រះគម្ពីរប្រាប់យើងអំពី ទ្រព្យសម្បត្តិដែលព្រះនឹងប្រទានឱ្យ អស់អ្នកណាដែលបម្រើព្រះអង្គ។ យើងនឹងមានកន្លែង នៅក្នុងដំណាក់របស់ទ្រង់(យ៉ូហាន 14:2)។ យើងនឹងរស់នៅក្នុងទីក្រុង ដែលមាន ផ្លូវក្រាលដោយមាសសុទ្ធ និងទ្វារក្រុងធ្វើពីកែវមុក្តា (វីវរណៈ 21:21)។ ព្រះយេស៊ូវនឹងប្រទាន "មរកតជីវិត" (យ៉ាកុប 1:12) ផ្កាយព្រឹក (វីវរណៈ 2:28) និង "ភួងជ័យមិនចេះស្រពោន" (1 ពេត្រុស 5:4)។ យើងនឹងមានជីវិតអស់កល្បជានិច្ច ជាមួយព្រះ។ យើងនឹងមានរាងកាយដែលមានសិរីល្អ ព្រះចេស្ដា និង មិនចេះពុករលួយ (1កូរិនថូស 15:42-43)។ យើងនឹងជា "ចំនែកជានិស្ស័យនៃព្រះ" (2 ពេត្រុស 1:4)។

​

វ៉ាវ! ស្ដាប់ទៅ ដូចយើងនឹងក្លាយទៅជា វីរៈបុរសអ៊ីចឹង។ សរសើរព្រះអង្គ។ យើងមិនអាចយល់បាន ទាំងស្រុងទេ ថានេះមានន័យដូចម្ដេច តែយើងអាចឃើញថា វាល្អប្រសើរជាង ឡាន ឬផ្ទះ នៅផែនដី នេះ។ អ្វីដែលព្រះអង្គបានសន្យាចំពោះយើងនៅស្ថានសួគ៌ អស្ចារ្យជាងអ្វីទាំងអស់ ដែលយើងអាចរក បាននៅផែនដីនេះ ក្នុងពេលឥឡូវនេះ។ ព្រះបានរៀបចំអ្វី ដែលល្អអស្ចារ្យសម្រាប់យើង លើសពីអ្វីដែល យើងអាចគិតដល់ទៅទៀត។ (1កូរិនថូស 2:9)
 

ពេលវេលាក្រុមតូច

ចូរពិភាក្សាគ្នា នៅក្នុងក្រុមតូច

• តើអ្នកចង់បានព្រះ ឬលុយ ជាចៅហ្វាយរបស់អ្នក? ហេតុអ្វី?

• តើអ្នកចង់មានទ្រព្យសម្បត្តិនៅផែនដី ឬនៅស្ថានសួគ៌? ហេតុអ្វី?

​

អធិស្ឋានបញ្ចប់

​