សេចក្តីពិតដ៏សំខាន់មួយ : ព្រះយេស៊ូវលះបង់ព្រះជន្មទ្រង់ ដើម្បីប្រោសលោះអ្នកណា ដែលជឿដល់ទ្រង់

​

សកម្មភាព : តើអ្នកគិតថាខ្លួនឯងមានតម្លៃប៉ុណ្ណា?

​

សម្ភារៈ៖ រូបភាពរបស់ដែលអ្នកស្គាល់តម្លៃវា (ឧទាហរណ៍៖ ម៉ូតូថ្មី ទូរស័ព្ទ ឬផ្លែទុរេន) និងរូបថតរបស់ ក្រុមយុវជនទាំងមូល

​

របៀបលេង :

១) ឱ្យសិស្សចូលជា ១ ក្រុម ៣ នាក់។

២) និយាយ៖ "ហ្គេមថ្ងៃនេះ គឺយើងនឹងលេងដេញថ្លៃ។ ជាធម្មតា ក្នុងការដេញថ្លៃ អ្នកឈ្នះគឺអ្នកណា ដែលឱ្យតម្លៃខ្ពស់ជាងគេបង្អស់។ ប៉ុន្តែ ការដេញថ្លៃនេះ ខុសគេ។ អ្នកឈ្នះគឺជាក្រុមណា ដែលទាយជិត ត្រូវតម្លៃមែនទែនជាងគេ។ ខ្ញុំនឹងបង្ហាញរបស់របរដល់អ្នក ហើយអ្នកត្រូវសម្រេចថា របស់នោះមានតម្លៃ ប៉ុន្មាន។ តើអ្នកគិតថា គេចំនាយលុយទិញវា ក្នុងតម្លៃប៉ុន្មាន?"

៣) បង្ហាញរបស់ដំបូងឱ្យកូនសិស្សមើល។ ទុកពេលបន្តិចឱ្យពួកគេពិភាក្សាគ្នាអំពី តម្លៃដែលពួកគេគិត។ បន្ទាប់មក ក្រុមនីមួយៗនឹងប្រាប់អ្វីដែលខ្លួនទាយ។ ក្រុមណាដែលទាយជិតត្រូវតម្លៃមែនទែនជាងគេ នឹងទទួលបាន ១ ពិន្ទុ។ បន្តលេងបែបនេះ ជាមួយរបស់នីមួយៗ។

៤) បន្ទាប់មក រូបចុងក្រោយគឺជា រូបក្រុមកូនសិស្ស។ និយាយ៖ "របស់ចុងក្រោយរបស់យើងគឺ ... (បង្ហាញរូបថត)... យើង! តើប្អូនៗគិតថា យើងមានតម្លៃប៉ុណ្ណា? មិនមែនគ្រាន់តែជារូបថតពួកយើងនោះ ទេ... ប៉ុន្តែជាពួកយើង... ទំនាក់ទំនងជាមួយពួកយើង មិត្តភាពរបស់ពួកយើង និងជីវិតរបស់ពួកយើង។ តើប្អូនៗគិតថា មានតម្លៃប៉ុណ្ណា? ទុកឱ្យសិស្សឆ្លើយតប។ រួចនិយាយថា៖ "នេះហើយជាអ្វីដែលយើងនឹង រៀនថ្ងៃនេះ។ ចូរយើងមើលអំពី តម្លៃដែលព្រះយេស៊ូវបានលស់យើង។"

​

ការរៀនព្រះគម្ពីរ

អាន៖ [ម៉ាកុស 10:32-34]

 

សំនួរបង្កប់ន័យ

ព្រះយេស៊ូវ និងពួកសិស្សកំពុងដើរទៅក្រុងយេរ៉ូសាឡឹម។ នៅតាមផ្លូវ ព្រះអង្គប្រាប់ពួកគេអំពី អ្វីដែល នឹងកើតឡើង ពេលពួកគេទៅដល់ទីនោះ។ តើទ្រង់មានបន្ទូលដូចម្ដេច?

 

បើមានក្ដារខៀន សូមសរសេរចុះអំពី អ្វីដែលព្រះយេស៊ូវមានបន្ទូលក្នុងខរ [33 និង34] ដូចខាងក្រោម៖

១) ព្រះអង្គនឹងត្រូវបញ្ជូនទៅឯពួកសង្គ្រាជ និងពួកអាចារ្យ 

២) គេនឹងកាត់ទោសលោកដល់ជីវិត

៣) បញ្ជូនទៅដល់ឱ្យពួកសាសន៍ដទៃ

៤) គេចំអកមើលងាយ វាយនឹងរំពាត់ ស្ដោះដាក់  

៥) សម្លាប់លោក

៦) ព្រះអង្គនឹងរស់ឡើងវិញ ៣ ថ្ងៃក្រោយមក

 

បើប្អូនៗដឹងថាការទាំងអស់នេះនឹងកើតលើខ្លួនឯង តើប្អូនៗនឹងទៅក្រុងយេរ៉ូសាឡឹមដែរទេ?

ចម្លើយផ្ទាល់ខ្លួន។

​

ប្រហែលពួកយើងភាគច្រើន មិនទៅទេ។ ប៉ុន្តែ ព្រះយេស៊ូវទៅ។ ហេតុអ្វី? ព្រោះព្រះអង្គដឹងថា ពេលព្រះ អង្គធ្វើដូចនេះ ព្រះអង្គនឹងសង្គ្រោះអ្នកណាដែលជឿទ្រង់។

​

ចូរមើលព្រឹត្តិការណ៍ទាំងនេះ។ ព្រះយេស៊ូវបានឱ្យទំនាយ ៦ អំពីអ្វីដែលនឹងកើតឡើង។ ទី១, ព្រះអង្គមាន បន្ទូលថា "គេនឹងបញ្ជូនព្រះអង្គទៅឯពួកសង្គ្រាជ និងពួកអាចារ្យ។" សុំនរណាជួយអាន [ម៉ាកុស 14:41-46] ឱ្យឮៗ។

​

ហើយឥឡូវអានខរ 53 ម្ដង។

 

តើមានអ្វីកើតឡើង?
គេក្បត់ព្រះយេស៊ូវ ហើយបញ្ជូនទ្រង់ទៅឱ្យពួកសង្គ្រាជ និងពួកអាចារ្យ ដូចអ្វីដែលព្រះអង្គមានបន្ទូល មែន។ (ទំនាយទី ១)

​

ទី២, ព្រះយេស៊ូវមានបន្ទូលថា គេនឹងកាត់ទោសលោកដល់ជីវិត។ សុំនរណាម្នាក់ជួយអាន [ម៉ាកុស 14:55-64]

​

តើមានអ្វីកើតឡើង?
ពួកគេកាត់ទោសលោកដល់ជីវិត ទោះបីជាគេគ្មានទីបន្ទាល់ចោទព្រះអង្គក៏ដោយ។ (ទំនាយទី ២)

​

ទី៣, ព្រះយេស៊ូវមានបន្ទូលថា "គេនឹងបញ្ជូនព្រះអង្គទៅឯសាសន៍ដទៃ។" ពួកយូដាមិនអាចដាក់ទោស នរណាដល់ស្លាប់នោះទេ គឺមានតែពួករដ្ឋាភិបាលរ៉ូមតែប៉ុណ្ណោះតែអាចកាត់ទោសឱ្យស្លាប់បាន ពីព្រោះ ពួកគេគ្រប់គ្រងប្រទេស។ អាន [ម៉ាកុស 15:1] ដើម្បីមើលពីអ្វី ដែលពួកសង្គ្រាជ និងពួកអាចារ្យធ្វើបន្ត មកទៀត។

​

តើមានអ្វីកើតឡើង?
ពួកគេបញ្ជូនព្រះយេស៊ូវទៅឱ្យលោកពីឡាត់។

 

លោកពីឡាតជាអ្នកគ្រប់គ្រង ជាសាសន៍រ៉ូម៉ាំង ដែលជាសាសន៍ដទៃ (សាសន៍ដទៃគឺ មិនមែនជាសាសន៍ យូដា)។ ដូច្នេះហើយ ពាក្យទំនាយទី៣ នេះ ក៏ត្រូវបានបំពេញដែរ។

​

ផ្នែកទី​ ៤ នៃទំនាយរបស់ព្រះយេស៊ូវ គឺថា “គេនឹងចំអកមើលងាយ វាយនឹងរំពាត់ និងស្ដោះដាក់" ព្រះអង្គ។ គួរឱ្យសោកស្ដាយ ការនេះក៏បានកើតឡើងមកលើ ទ្រង់វិញដែរ។ សុំម្នាក់អាន [ម៉ាកុស 15:16-20] (ទំនាយទី ៤)

​

ផ្នែកទី ៥ នៃទំនាយរបស់ព្រះអង្គ គឹថា គេនឹងសម្លាប់ទ្រង់។ សុំនរណាជួយអាន [ម៉ាកុស 15:22-25] ឱ្យឮៗ។

តើពួកគេធ្វើអ្វី?
ពួកគេឆ្កាងព្រះយេស៊ូវ (ទំនាយទី ៥)

​

ព្រះយេស៊ូវជាប់នៅលើឈើឆ្កាងរហូត ៦ ម៉ោង គឺពីម៉ោង ៩ ដល់ម៉ោង ៣។ សូមនរណាម្នាក់អាន [ម៉ាកុស 15:33-39]

​

ហេតុអ្វីបានជាព្រះយេស៊ូវត្រូវទៅឱ្យគេឆ្កាង?
ទុកឱ្យសិស្សបញ្ចេញយោបល់អ្វីដែលពួកគេដឹង។

​

[1 ពេត្រុស 3:18a] ព្រោះ​ព្រះគ្រីស្ទ​ទ្រង់​បាន​រង​ទុក្ខ​ម្តង ដោយ​ព្រោះ​បាប​ដែរ គឺ​ជា​ព្រះ​ដ៏​សុចរិត ទ្រង់​រង ​ទុក្ខ​ជំនួស​មនុស្ស​ទុច្ចរិត ដើម្បី​នឹង​នាំ​យើង​រាល់​គ្នា​ទៅ​ដល់​ព្រះ 

​

ចម្លើយនោះគឺ "ដើម្បីនាំយើងទៅកាន់ព្រះជាម្ចាស់"។ យើងទាំងអស់គ្នា ដាច់ចេញពីព្រះ ដោយសារអំពើ បាបរបស់យើង។ ប៉ុន្តែព្រះយេស៊ូវរស់នៅក្នុងជីវិតមួយដ៏ឥតខ្ចោះ និងគ្មានបាបទាល់តែសោះ ហើយព្រះ អង្គបានលះជីវិតរបស់ទ្រង់ដើម្បីយើង។ នៅលើឈើឆ្កាង ព្រះយេស៊ូវបានទទួលការដាក់ទោស សម្រាប់គ្រប់ទាំងអស់ ដែលយើងគ្រប់គ្នាបានធ្វើខុស។ ព្រះអង្គត្រូវព្រះជាម្ចាស់ បញ្ជូនមកផែនដីនេះ ព្រោះទ្រង់ទទួលយករាល់ទាំងអំពើបាបទាំងអស់ ដាក់មកលើព្រះអង្គខ្លួនឯង។ ហើយព្រះអង្គសុគតដើម្បីសងថ្លៃឈ្នួលនៃអំពើបាបយើង។ ឥឡូវនេះ គ្មានអ្វីដែលបំបែកយើងចេញ ពី ព្រះបានទេ។ បើយើងទទួលថា ព្រះយេស៊ូវបានសុគតដើម្បីលោះបាបយើងហើយ នោះយើងជារបស់ ព្រះអង្គហើយឥឡូវនេះ។ យើងអាចមានមិត្តភក្តិជាមួយព្រះអង្គបាន ជារៀងរហូតហើយ។

​

ដូច្នេះ ត្រឡប់មករូបថតយើងវិញ។ តើប្អូនៗគិតថា យើងមានតម្លៃប៉ុណ្ណា?
មានតម្លៃរហូត ព្រះយេស៊ូវលះជីវិតដើម្បីយើង។

​

ព្រះយេស៊ូវបានលះជីវិតរបស់ព្រះអង្គ ដើម្បីឱ្យយើងទទួលការអត់ទោសបាប ហើយអាចចូលទៅ ស្ថានសួគ៌ជាមួយព្រះអង្គ ជារៀងរហូត។ ហេតុអ្វីបានជាព្រះអង្គធ្វើដូចនេះ?
ព្រោះព្រះអង្គស្រឡាញ់យើង។

​

ពេលវេលាក្រុមតូច

ចូរពិភាក្សាគ្នា នៅក្នុងក្រុមតូច៖​

• តើអ្នករៀនបានអ្វីអំពីព្រះយេស៊ូវ តាមរយៈមេរៀនថ្ងៃនេះ?

• តើការសុគតនៅលើឈើឆ្កាងរបស់ព្រះយេស៊ូវ មានអត្ថន័យដូចម្ដេចមកកាន់អ្នក?

• បើអ្នកបានដឹងថាព្រះយេស៊ូវបានសង្គ្រោះអ្នកហើយ សូមអរព្រះគុណទ្រង់។

​

អធិស្ឋានបញ្ចប់

​