សេចក្តីពិតដ៏សំខាន់មួយ :  ព្រះយេស៊ូវតែងតែគ្រប់គ្រងបានទាំងអស់។ ដូច្នេះហើយ យើងគួរតែមាន ជំនឿលើទ្រង់។

​

សកម្មភាព : ប្រណាំងទូក

​

ឧបករណ៍: គម្របដប ៨ ពណ៌ផ្សេងៗគ្នា។ ក្រដាស ១ សន្លឹកបិទលើកន្ទេលមួយ។

​

របៀបលេង :

 ១)  និយាយ៖ "ថ្ងៃនេះ យើងនឹងបណ្ដែតទូក។ នេះគឺជាទូករបស់យើង (បង្ហាញគម្របដប) នេះ គឺជា សមុទ្រ (ចង្អុលទៅកន្ទេល) ហើយនេះ គឺជាកោះ (ចង្អុលក្រដាស)។ ប្អូនៗនឹងចាប់ផ្ដើមចេញពីកំពង់ ផែនេះ (ជ្រើសរើសកន្លែងមួយ នៅម្ខាងពីលើកម្រាល)។ គោលដៅរបស់ប្អូន គឺត្រូវធ្វើម៉េចឱ្យទូករបស់ ខ្លួនទៅដល់កោះមុនគេ។"

២) ជ្រើសសិស្ស 8 នាក់ (ទៅតាមទំហំកន្ទេល)។ ឱ្យទូកទៅពួកគេម្នាក់មួយ។ ពួកគេនឹងដាក់វានៅ កំពង់ផែ រួចនឹងចាប់កាន់កន្ទេល និងរលាស់កម្រាល ពេលរាប់ 1, 2, 3 ចប់។
 

៣) ទូកណាដែលទៅដល់កោះមុន ជាអ្នកឈ្នះ។ បន្តលេងហ្គេម រហូតបានលេងគ្រប់គ្នា។
 

ក្រោយបញ្ចប់ហ្គេម: 

.តើវាពិបាក ឬស្រួលក្នុងការធ្វើឱ្យទូករបស់ប្អូនដល់ទៅទី ដោយសុវត្ថិភាព? ពិបាក។
.តើអ្វីដែលធ្វើឱ្យវាពិបាក? អ្នករលាស់កន្ទេល។
.តើប្អូនមានអារម្មណ៍ថា អាចគ្រប់គ្រងបានរហូត ឬអត់ទេ? គ្រប់គ្រងមិនបានច្រើនជាង។

​

ការរលាស់កន្ទេលធ្វើឱ្យទូកពិបាកបណ្ដែតលើសមុទ្រណាស់។ ប្អូនមានអារម្មណ៍ដូចជាគ្រប់យ៉ាងនៅក្រៅការគ្រប់គ្រង។ ថ្ងៃនេះ យើងនឹងអានរឿងមួយ ដែល និយាយអំពី ស្ថានភាពបែបនេះ។

​

ការរៀនព្រះគម្ពីរ

បរិបទ៖ ថ្ងៃនេះ យើងបន្តបណ្ដុំរឿង ឈ្មោះថា តើព្រះយេស៊ូវបានធ្វើអ្វី? យើងនឹងអានអត្ថបទនៅក្នុងព្រះគម្ពីរដំណឹងល្អ ម៉ាកុស។

​

អាន [ម៉ាកុស 4:35-41]

​

សំនួរបង្កប់ន័យ
ព្រះយេស៊ូវចំនាយពេលពេញ ១ ថ្ងៃ​ បង្រៀនបណ្ដាជន (ពីក្នុងទូក)។ ឥឡូវនេះ ជាល្ងាចហើយ ហើយទ្រង់ ក៏អស់កម្លាំងដែរ។ ទ្រង់ប្រាប់ពួកសិស្សឱ្យឡើងមកលើទូក និងចុះទូកទៅត្រើយម្ខាងទៀត។ បន្ទាប់មក ព្រះអង្គក៏ផ្ទុំលក់។ តើមានអ្វីកើតឡើងបន្ទាប់ទៀត?
មានព្យុះដ៏ធំបក់បោក។

​

ទឹកចាប់ផ្ដើមលេចចូលក្នុងទូក។ ពេលនោះ ពួកសិស្សគិតយ៉ាងម៉េច?
ទូកចាប់ផ្ដើមលិច ហើយយើងទាំងអស់គ្នានឹងលង់ទឹក។

​

តើពួកគេធ្វើអ្វី?
ពួកគេដាស់ព្រះយេស៊ូវ រួចនិយាយថា៖ "ព្រះគ្រូ យើងវិនាសយើងហើយ មិនរវល់ទេឬអី?"

​

អ្នកទាំងអស់គ្នាចាំបានទេថា សិស្សរបស់ព្រះយេស៊ូវខ្លះ គឺជាអ្នកនេសាទ។ ពួកគេធ្លាប់ធ្វើការនៅលើ សមុទ្រជាច្រើនឆ្នាំ និងធ្លាប់ជួបព្យុះច្រើនមកហើយ។ ប៉ុន្តែពេលនេះ ពួកគេភ័យខ្លាចខ្លាំងមែនទែន។ វាជាព្យុះកំណាច និងគ្រោះថ្នាក់ខ្លាំងហើយមើលទៅ។

​

តើព្រះយេស៊ូវបានធ្វើអ្វី?
ព្រះអង្គគម្រាមខ្យល់ ដោយនិយាយថា៖ "ចូរស្ងៀមទៅ ហើយឈប់ចុះ!"

​

តើមានអ្វីកើតឡើង ពេលទ្រង់ធ្វើដូចនេះ?
ខ្យល់ក៏ឈប់ ហើយគ្រប់យ៉ាងស្ងប់ចុះ។

​

សំនួរមានអត្ថន័យ
ការបញ្ជារបស់ព្រះយេស៊ូវនាំឱ្យ សមុទ្រមានភាពស្ងប់ចុះពេញលេញភ្លាម។ ទ្រង់បញ្ជាខ្យល់ និងសមុទ្រ! តើប្អូនៗគិតថា ការធ្វើការអស្ចារ្យនេះពិបាកសម្រាប់ព្រះយេស៊ូវដែរឬទេ? អត់ទេ។

​

វាមិនអាចទៅរួច សម្រាប់យើង តែព្រះយេស៊ូវបង្រ្កាបព្យុះ ដោយពាក្យត្រឹមតែ 3 ម៉ាត់ប៉ុណ្ណោះ។ ព្រះយេស៊ូវគ្រប់គ្រងស្ថានភាពបានល្អណាស់។ ដូច្នេះហើយ តើហេតុអ្វីបានជាពួកសិស្សភ័យខ្លាច?
ព្រោះពួកគេខ្វះជំនឿ។

​

ពួកគេខ្វះជំនឿ ព្រោះពួកគេនៅមិនទាន់ស្គាល់ថា ព្រះយេស៊ូវគឺជានរណាឱ្យពិតប្រាកដ។ ពួកគេដឹងថា ព្រះអង្គគឺជាគ្រូបង្រៀន និងអ្នកប្រោសជម្ងឺដ៏អស្ចារ្យ។ ប៉ុន្តែការអស្ចារ្យនេះ បានបង្ហាញអំពីអំណាចដ៏ អស្ចារ្យរបស់ព្រះអង្គ។ តើការអស្ចារ្យនេះ ប្រាប់អ្វីដល់យើងពីព្រះយេស៊ូវ? ព្រះអង្គមាន អំណាចលើគ្រប់ ទាំងការបង្កើតទាំងអស់ លើទាំងព្យុះ ខ្យល់ និងសមុទ្រ។ អ្វីដែលទ្រង់បញ្ជាទាំងអស់ នឹងកើតឡើង។

​

ហើយវាក៏បង្ហាញដែរថា ព្រះអង្គខ្វល់ខ្វាយអំពីសិស្សរបស់ព្រះអង្គ ហើយទ្រង់ក៏ជួយ និងការពារពួក យើងដែរ។ គ្មានអ្វីដែលធំពេក ឬពិបាកពេកឡើយសម្រាប់ព្រះអង្គ។

​

ហេតុអ្វីបានជារឿងនេះ ពាក់ព័ន្ធនឹងយើងក្នុងពេលនេះ? ព្រោះព្រះយេស៊ូវមានព្រះជន្មគង់នៅសព្វថ្ងៃនេះ! ព្រះអង្គនៅតែដដែលម្សិលមិញ ថ្ងៃនេះនិងរហូតតទៅ (ហេព្រើរ 13:8)។ ព្រះយេស៊ូវដដែល គង់ព្រះជន្ម នៅ និងគង់នៅជាមួយយើងថ្ងៃនេះ។ ទ្រង់មានអំណាច ប្រាជ្ញា និងចិត្តសន្ដោសដដែលដូចពីមុនអ៊ីចឹង។ ចាំថា យើងអានព្រះគម្ពីរដើម្បីស្វែងរកចរិតលក្ខណៈជាព្រះ របស់ព្រះអង្គ។

​

ចូរយើងអានការអស្ចារ្យមួយទៀត អំពីព្រះយេស៊ូវ។ អាន [ម៉ាកុស 6:45-53]

​

ពួកសិស្សនៅក្នុងទូក កណ្ដាលសមុទ្រកាលីឡេ ហើយពួកគេមានបញ្ហាម្ដងទៀត។ តើបញ្ហានោះជាអ្វី?
ខ្យល់បក់បញ្ច្រាស់ពួកគេ ហើយពួកគេជាប់នៅកណ្ដាលសមុទ្រ។

​

តើព្រះយេស៊ូវនៅជាមួយពួកគេទេ ពេលនេះ?
អត់ទេ មិននៅជាមួយទេ ពីដំបូង។ ព្រះអង្គទតមើលពួកគេពីលើភ្នំ។
​
តើព្រះយេស៊ូវធ្វើអ្វី ពេលឃើញពួកគេមានបញ្ហាដូច្នេះ?
ព្រះអង្គយាងទៅរកពួកគេ ដោយយាងលើទឹក។

​

តើពួកសិស្សគិតដូចម្ដេច ពេលឃើញព្រះអង្គដូច្នេះ? តើប្អូនៗគិតថា ហេតុអ្វីបានជាពួកគេគិតដូច្នេះ?
ពួកគេគិតថា ប្រហែលជាខ្មោច ព្រោះពួកគេគិតថាមានអ្វីដែលអាចដើរលើទឹកដូច្នេះទេ។

​

តើពួកគេមានអារម្មណ៍យ៉ាងណា?
ពួកគេភ័យខ្លាច។

​

តើព្រះយេស៊ូវធ្វើដូចម្ដេច ពេលពួកសិស្សភ័យខ្លាចដូច្នេះ?
ទ្រង់មានបន្ទូលថា៖ "ចូរសង្ឃឹមឡើង ​គឺខ្ញុំទេតើ កុំភ័យអី។" ហើយទ្រង់ឡើងលើទូកជាមួយពួកគេ។

​

ម្ដងទៀត ពួកសិស្សវិលវល់នៅក្នុងចិត្ត (ខរ 51)។ ពួកគេកំពុងរៀនអំពី ភាពអស្ចារ្យរបស់ព្រះយេស៊ូវ។ ពេលពួកគេរៀន ពួកគេនឹងមានការភ័យខ្លាចតិចជាងកាលៈទេសៈរបស់ពួកគេ ហើយកាន់តែមានជំនឿមកកាន់ព្រះយេស៊ូវ នេះជាការពិត របស់សិស្សរបស់ព្រះយេស៊ូវ។ មានជំនឿកាន់តែខ្លាំងលើព្រះយេស៊ូវ បានន័យថាមានភាពភ័យខ្លាចកាន់ តែតិចទៅកាន់បញ្ហាក្នុងជីវិត។

​

តើអ្វីជាមេរៀនអំពីក្ដីជំនឿសម្រាប់យើង នៅក្នុងរឿងទាំងនេះ?
ទុកឱ្យសិស្សបញ្ចេញយោបល់។

មេរៀនសម្រាប់យើងគឺ យើងអាចទុកចិត្តព្រះយេស៊ូវ។ ព្រះអង្គខ្វល់ខ្វាយពីយើង ហើយទ្រង់អស្ចារ្យ ជាងអ្វីដែលយើងដឹង។នៅក្នុងពេលវេលាលំបាកៗ យើងគួរតែឆាប់ចូលទៅកាន់ព្រះអង្គ។ យើងអាចធ្វើ បែបនេះដោយជំនឿ មិនមែនដោយភ័យខ្លាច។យើងធ្វើបែបនេះ ដោយអធិស្ឋាន និងសុំជំនួយពីព្រះអង្គ និងជឿជាក់ថា ទ្រង់អាច ហើយនឹងជួយយើង។
 

​

ពេលវេលាក្រុមតូច 

ពួកសិស្សគិតថា ព្យុះនឹងធ្វើឱ្យពួកគេស្លាប់ ហើយថាព្រះយេស៊ូវនឹងមិនខ្វល់។ ប៉ុន្តែ ពួកគេគិតខុស។ ពិភាក្សា នៅក្នុងក្រុមតូច៖

 

• តើអ្នកធ្លាប់មានអារម្មណ៍ថា បញ្ហាធំណាស់ តែព្រះអង្គមិនខ្វល់ដែរឬទេ? បើធ្លាប់សូមអ្នកសុំជំនួយពី ព្រះអង្គ ឱ្យអ្នកមើលឃើញថាទ្រង់គង់នៅជាមួយអ្នក និងខ្វល់ខ្វាយពីអ្នក។

• តើអ្នកកំពុងជួបប្រទះការលំបាកអ្វីទេ នៅពេលនេះ? អធិស្ឋានសម្រាប់គ្នាទៅវិញទៅមក។ សូមព្រះអង្គ ឱ្យគ្រប់គ្រង និងឱ្យអ្នកមានជំនឿក្នុងទ្រង់។

 

អធិស្ឋានបញ្ចប់