សេចក្តីពិតដ៏សំខាន់មួយ :  ទំនាក់ទំនងជាមួយព្រះ គឺជាអំណរ និងអភ័យឯកសិទ្ធិ

​

សកម្មភាព : ខ្ញុំមានរបស់ល្អជាង

 

សម្ភារៈ : កាតទទេរ និងប៊ិច

 

របៀបលេង :

១) និយាយ៖ "ថ្ងៃនេះ យើងនឹងលេងហ្គេមមួយ ឈ្មោះថា "ខ្ញុំមានរបស់ល្អជាង"។ ឥឡូវសូមចូលគ្នា ជា១ក្រុម ៤នាក់។" 

​

២) ខ្ញុំនឹងឱ្យកាតទៅអ្នកទាំងអស់គ្នា ម្នាក់មួយៗ។ សរសេរឈ្មោះមួយនៃរបស់ ឬសត្វ ឬម្ហូប។

​

៣) ដាក់កាតក្រុមរបស់អ្នកទាំងអស់នៅក្នុងគំនរ។

​

៤) ខ្ញុំនឹងប្រាប់អ្នកអំពី របស់មួយ៖ គឺម៉ូតូ។ អ្នកដំបូងនឹងយកកាតមួយ ពីគំនរកាត រួចនិយាយថា៖ "ខ្ញុំមានរបស់ល្អជាង" រួចត្រូវឱ្យហេតុផលថា ហេតុអ្វីបានជារបស់នៅលើកាតនោះ សំខាន់ជាងម៉ូតូ។ 

​

៥) បន្ទាប់មកមនុស្សនៅខាងស្ដាំគាត់ ត្រូវយកកាតមួយទៀត "ខ្ញុំមានរបស់ល្អជាង"។ គាត់ក៏ត្រូវប្រាប់ មូលហេតុមួយដែលរបស់នៅលើកាតនោះល្អជាង របស់ទាំង២ គឺល្អជាងម៉ូតូ និងរបស់នៅលើកាតទី១។ 

​

៦) អ្នកបន្ទាប់ ត្រូវយកកាតបន្ទាប់ រួចឱ្យមូលហេតុដែលរបស់ដែលមាននៅលើកាត ល្អជាងរបស់ផ្សេងៗ ទៀត។

​

៧) បន្តលេងបែបនេះ ទាល់តែគ្រប់គ្នាបានលេងដូចៗគ្នា រួចប្ដូរកាតជាមួយក្រុមមួយទៀត។ លេងម្ដង ទៀតជាមួយអ្នកចាប់ផ្ដើមដំបូងផ្សេង។

 

ក្រោយបញ្ចប់ហ្គេម: 

សួរ៖ "តើវាពិបាក ឬងាយស្រួលក្នុងការគិតអំពី មូលហេតុដែលរបស់ដែលប្អូនមានល្អជាងរបស់អ្នកដទៃ?

តើចម្លើយដែលមានភាពច្នៃប្រឌិតណាខ្លះ ដែលប្អូនគិតឃើញ?"

​

ការរៀនព្រះគម្ពីរ

យើងកំពុងរៀនប្រធានបទទាក់ទងនឹង "ទំនាក់ទំនងជាមួយព្រះជាម្ចាស់"។ យើងបានរៀនរួចមកហើយ ថា យើងមានទំនាក់ទំនងជាមួយព្រះ ដូចជាឪពុកនឹងកូន។ យើងអាចស្គាល់ និយាយ ស្ដាប់ឮ និងដើរជា មួយព្រះអង្គ ជារៀងរាល់ថ្ងៃ។ ចំណែកប្រធានបទរបស់យើងថ្ងៃនេះគឺ អំណរនៅក្នុងព្រះ។

​

តើប្អូនគិតដូចម្ដេចចំពោះ អំណរនៅក្នុងព្រះអង្គ? ទុកឱ្យសិស្សបញ្ចេញគំនិតយោបល់។

​

អំណរនៅក្នុងព្រះ មានន័យថា យើងទទួលស្គាល់ថា ព្រះបិតារបស់យើងអស្ចារ្យប៉ុណ្ណា។ ពេលយើង រៀនអំពី ចរិតលក្ខណៈ លក្ខណៈសម្បត្តិ និងគ្រប់យ៉ាងដែលព្រះអង្គបានធ្វើសម្រាប់យើង ព្រមទាំងគ្រប់ ផែនការទាំងអស់ដែលទ្រង់មានសម្រាប់យើង យើងនឹងទទួលដឹងថា ព្រះអង្គអស្ចារ្យ! គ្មាននរណាដែល មានប្រាជ្ញា មានអំណាច មានកម្លាំងខ្លាំង និងមានភាពអស្ចារ្យ ដូចទ្រង់ឡើយ។ ព្រះអង្គជាព្រះនៃគ្រប់ ទាំងព្រះចេស្ដា ទ្រង់ជ្រាបទាំងអស់ ហើយគង់នៅអស់កល្បជានិច្ច ព្រមទាំងជាព្រះអាទិករ និងអ្នកគ្រប់ គ្រងនៃសកលលោកនេះ!

​

នៅក្នុងហ្គេមដែលយើងបានលេង មិនថាយើងកាតអ្នកផ្សេងជាអ្វីឡើយ យើងត្រូវតែនិយាយថា យើង មានរបស់ល្អជាង។អ្វីដែលអ្នកមាន គឺំមានតម្លៃជាង ឆ្លាតជាង ធំជាង ឬខ្លាំងជាងរបស់ផ្សេងៗទាំងអស់។ នៅក្នុងផ្នែកខ្លះ វា ល្អជាងរបស់ផ្សេងៗទៀតមែន។ តែព្រះអង្គ គឺជាព្រះដែលល្អប្រសើរជាងអ្វីៗទាំងអស់! បើអ្នកមិនទាន់ ដឹងអំពីការនេះ អ្នកមិនទាន់ស្គាល់ព្រះច្បាស់នៅឡើយទេ។

​

អំណរនៅក្នុងព្រះ មានន័យថា យើងស្គាល់តម្លៃពិតនៃទំនាក់ទំនងរបស់យើងជាមួយព្រះ។ យើងដឹងថា យើងមានអភ័យឯកសិទ្ធិប៉ុណ្ណា ដែលមានទំនាក់ទំនងជាមួយព្រះ។ ចូរស្រម៉ៃថា មាននរណាម្នាក់ នៅសាលារបស់ប្អូន ធ្លាប់ជាមិត្តភក្តិរបស់តារាល្បីជាងគេបង្អស់នៅស្រុកខ្មែរ ឬអ្នកមានជាងគេបំផុត ឬអ្នកមានសម្រស់ស្អាតជាងគេបង្អស់នៅស្រុកខ្មែរ។ គាត់ប្រហែលជាគិតថា គាត់ខ្លួនឯងសំណាង ណាស់ដែលបានស្គាល់គេ។ តែ យើងមានរបស់ល្អជាង! យើងមានឪពុកដ៏មាន ចេស្ដា ជ្រាបគ្រប់ទាំង ការ គង់នៅអស់កល្បជានិច្ច ព្រមទាំងជាព្រះអាទិករ និងគ្រប់គ្រងសកលលោក នេះទៀត!

​

អំណរនៅក្នុងព្រះអង្គ មានន័យថា យើងសប្បាយរីករាយក្នុងការស្គាល់ព្រះ។ ចូរស្ដាប់អ្វីដែលដាវីឌបាន សរសេរអំពីការនេះ៖

​

[ទំនុកតម្កើង 16:11] ទ្រង់​នឹង​បង្ហាញ​ឲ្យ​ទូលបង្គំ​ឃើញ​ផ្លូវ​ជីវិត​វិញ នៅ​ចំពោះ​ទ្រង់​មាន​សេចក្តី​អំណរ ​ដ៏​ពោរពេញ នៅ​ព្រះហស្ត​ស្តាំ​ទ្រង់​មាន​សេចក្តី​អរ​សប្បាយ ជា​ដរាប​ត​ទៅ។

​

តើស្ដេចដាវីឌបាននិយាយថាមានអ្វីខ្លះ នៅក្នុងព្រះវត្តមានរបស់ព្រះ?
សេចក្ដីអំណរដ៏ពោរពេញ។

​

តើអំណរគឺជាអ្វី?
ទុកឱ្យសិស្សបញ្ចេញគំនិត។

​

អំណរគឺជា ឥរិយាបថនៃភាពស្កប់ចិត្តជាប់ជាអចិន្ត្រៃយ៍។ កូនរបស់ព្រះអាចមានអំណរជានិច្ច មិនថា មានអ្វីកើតឡើងនៅក្នុងជីវិតនោះឡើយព្រោះអំណរបានមកពីការស្គាល់ព្រះ។ យើងដឹងហើយថា ព្រះ អង្គល្អ។ យើងដឹងហើយថា ទ្រង់ស្រឡាញ់យើង។ យើងដឹងហើយថា ទ្រង់នៅបន្តគ្រប់គ្រង ហើយយើង ក៏ដឹងដែរថា ទ្រង់មានគម្រោងផែនការដ៏អស្ចារ្យ ដ៏នៅអស់កល្បជានិច្ចសម្រាប់យើងដែរ។ ហើយយើង ស្រឡាញ់ព្រះអង្គ និងមានអំណរនៅក្នុងទ្រង់។ នេះហើយដែលផ្ដល់អំណរដល់យើង។

​

[ភីលីព 4:4] ចូរ​អរ​សប្បាយ ក្នុង​ព្រះអម្ចាស់​ជានិច្ច ខ្ញុំ​ប្រាប់​ម្តង​ទៀត​ថា ចូរ​អរ​សប្បាយ​ឡើង។

​

[នេហេមា 8:10] ...ក៏​កុំ​ឲ្យ​មាន​ចិត្ត​ព្រួយ​ឡើយ ពី​ព្រោះ​សេចក្តី​អំណរ​របស់​ព្រះយេហូវ៉ា​ជា​កំឡាំង​ នៃ​អ្នក​ រាល់​គ្នា។

​

ឥឡូវ ចូរយើងបញ្ចប់ដោយគិតអំពី ពេលយើងមានអំណរនៅក្នុងអ្វីមួយ។ ចូរប្រាប់ខ្ញុំអំពីរបស់ដែលអ្នកចូលចិត្ត។ ទុកឱ្យសិស្សប្រាប់។

​

ជាធម្មតា ពេលយើងចំណាយពេលជាមួយ ឬរបស់ដែលយើងចូលចិត្ត យើងចង់ស្គាល់ពីគាត់/វាបន្ថែមទៀត និងចង់ចំនាយពេលស្គាល់ទៀត។ យើងមិនចាំបាច់បង្ខំខ្លួនឯង ឱ្យទៅលេងកីឡាដែលយើងចូល ចិត្ត ឬស្ដាប់បទចម្រៀងរបស់ក្រុមដែលយើងចូលចិត្តនោះទេ។ ជាការពិត វាពិបាកសម្រាប់យើង​វិញ បើយើងមិនមានឱកាសជាមួយអ្វីដែលយើងចូលចិត្តទេ។ ចូរស្ដាប់អ្វីដែលស្ដេចដាវីឌបានសរសេរ៖ [ទំនុកតម្កើង 63:1-4]

​

ឱ​ព្រះអង្គ​អើយ ទ្រង់​ជា​ព្រះ​នៃ​ទូលបង្គំ
ទូលបង្គំ​នឹង​ស្វែង​រក​ទ្រង់​អស់​ពី​ចិត្ត
ព្រលឹង​ទូលបង្គំ​ស្រេក​រក​ទ្រង់
រូប​សាច់​ទូលបង្គំ​រឭក​ចង់​បាន​ទ្រង់
នៅ​ក្នុង​ស្រុក​រីង​ស្ងួត ហើយ​ហួតហែង
ដែល​គ្មាន​ទឹក​សោះ
ដើម្បី​ឲ្យ​បាន​ឃើញ​ឥទ្ធិឫទ្ធិ និង​សិរីល្អ​របស់​ទ្រង់
ដូច​ជា​ទូលបង្គំ​បាន​ឃើញ​នៅ​ក្នុង​ទី​បរិសុទ្ធ​ដែរ
ដ្បិត​សេចក្តី​សប្បុរស​នៃ​ទ្រង់ នោះ​វិសេស​ជាង​ជីវិត
បបូរ​មាត់​ទូលបង្គំ​នឹង​សរសើរ​ដល់​ទ្រង់
គឺ​យ៉ាង​នោះ ដែល​ទូលបង្គំ​នឹង​លើក​ដំកើង​ទ្រង់
ក្នុង​កាល​ដែល​នៅ​រស់​នៅ​ឡើយ
ទូលបង្គំ​នឹង​ប្រទូល​ដៃ​ឡើង ដោយ​នូវ​ព្រះនាម​ទ្រង់។

​

ដាវីឌស្វែងរកព្រះយ៉ាងអស់ពីចិត្ត។ ហេតុអ្វី?

ព្រោះគាត់ដឹងថា សេចក្ដីស្រឡាញ់របស់ព្រះ សំខាន់ជាង ជីវិតទៅទៀត!

​

ដូច្នេះ តើយើងមានអំណរនៅក្នុងព្រះអង្គយ៉ាងដូចម្ដេច? នេះមិនមែនជាភារកិច្ច ឬកាតព្វកិច្ច ដែលយើង ត្រូវតែធ្វើនោះទេ។ តែវាជាលទ្ធផលទូទៅ ពីការដែលស្គាល់ព្រះពិតប្រាកដ។ ព្រះជាម្ចាស់អស្ចារ្យ ណាស់។ ពេលយើងកាន់តែរៀនអំពីទ្រង់ និងស្គាល់ទ្រង់ យើងកាន់តែមានអំណរ និងភាពស្កប់ចិត្តនៅ ក្នុងព្រះអង្គ។

​

អ៊ីចឹងហើយ ដើម្បីមានអំណរនៅក្នុងព្រះ យើងត្រូវរៀនអំពី ចរិតលក្ខណៈ និងលក្ខណៈសម្បត្តិរបស់ទ្រង់ ហើយរៀនអំពី អ្វីដែលទ្រង់បានធ្វើ និងគម្រោងផែនការដែលព្រះអង្គមានសម្រាប់យើង។ ពេលយើងធ្វើ ដូចនេះ យើងនឹងឃើញថា ទ្រង់ល្អប្រសើរជាងអ្វីៗទាំងអស់នៅក្នុងពិភពលោកនេះ។ ពេលយើងឃើញ ថា ទ្រង់អស្ចារ្យប៉ុណ្ណាហើយ យើងនឹងមានអំណរ នៅក្នុងព្រះអង្គ និងឱ្យតម្លៃទំនាក់ទំនង ជាមួយព្រះ អង្គជាងអ្វីៗទាំងអស់ដែរ។
 

ពេលវេលាក្រុមតូច

ចូរពិភាក្សាគ្នា នៅក្នុងក្រុមតូច:

•  តើអ្នកមានអំណរនៅក្នុងព្រះដែរឬទេ? ឬនេះជាអ្វីថ្មីមកកាន់អ្នក?

• តើអ្វីដែលជួយឱ្យអ្នកមានអំណរនៅក្នុងព្រះ?

• តើអ្នកអាចមានអំណរនៅក្នុងព្រះ ច្រើនជាងនេះដោយរបៀបណា?

​

អធិស្ឋានបញ្ចប់